Životna škola #1

Dobrodošli u životnu školu. Provat ću van u par objava reć ča više stvari koje bin van mogle pomoć u životu. Budimo toliko ludi pa pretpostavimo da nan se ponekad da stat se s kauča i izać na zrak. Kapin, teško je zamislit to al ajmo danas bit ludi i zamislit. I sad, odlučili ste poć po smokiće. Budimo realni, smokoći su život, kad bin moga bit nešto drugo umjesto čovika onda bin bi smokić. I tad bin jea smokiće koliko su dobri. Uglavnon ča morate napravit prije nego grete kupit smokiće? Provjere. Zapamtite, provjere. Prva provjera - lagano se dopuži do ukna i zemi špegalj s kojin ćeš vidit dali je sused na teraci. Ako je, nemoj izlazit van jer će te udavit s pričon i više nećeš želit smokiće nego ćeš želit samo umrit. Druga provjera - Dali imaš više od kune i pol poli sebe. Okej, kapin smokići koštaju kunu i pol al vajk se more desit da je poskupilo 10 lip i ča onda? Misliš da će ti prodavačica pustit tih 10 lip? Nanke neće, još će svima govorit kako si siromah i pokle ćeju te svi žalit i nosit kolače i to u kuću jer će se stvorit dojam da si najveća sirotinja na planeti. Okej ovo za kolače ni toliko loše ali kapite ča želin reć. Treća provjera - Uvjerite se, ali stvarno se uvjerite da doma ni nekih lešinara ki jedva čekaju samo da van pojedu sve smokiće. Jedanput kad san još bi mići i glup nisan provjeri sve i kad san doša doma je brat iskoči iz sudopera i sve mi je poje. Tako da budite oprezni. Četrta provjera - Rok trajanja. Da, da dragi moji. Ali ne zbog tega ča je moguće da su smokići pokvareni pa da bite se otrovali i to, sejno nikega nebi brigalo da se otrujuete nego ako je isteka rok onda morete namjerno kupit te, pojes skoro sve i onda doć sav zgrožen u butigu i žalit se na rok. Onda dobiješ još jedan paketić za nič i još ti se ispričava. Peto pravilo - nikad ne kupuj više paketa nego ča misliš zajno pojis. Ako spraviš kadi u kući znaj da će nestat u roku od pol ure i još će se svi pravit ludi kao :" nisan ja looool", smijat će van se u facu i to govorit. Tako da, budite pametni!