Mat i sin - Iris Aničić

Jenega jutra va lete

Otrok je sedje va hlade

pod lumbrelon mladega ureha.

Zjeha je preko sake mere

i šerjo matere reka

-Mama, ma je mene

štufno va životu.

Saki dan gledan istu kuću

ista drjeva, grote i rouže!

Mat je zostala oparena

na besede malega človeka

od komoć šes lijet

-Sinić muoj.

kuća ni vajka sejna

va nje se popravlja

razmešćuju se stvari

nutra se plače i smeji.

Drijevo ima saki dan veće ruoki

lišća se koluruju na saku fozu.

I grote su se stareje i stareje

I sako toliko ih

zobrtičamo na drugi kraj.

Ruožice, sinić muoj

delaju mirakoli

kad jena umre

druga se rodi zajno

Se, se se kambjuje svaki dan.

Sin je mater na žrbiš posluha

a besedu joj ni torna

Bi reć da je bi manje dišperan

as je z dicon poteka van.